Derion alokairu eskuragarriko araubidean eskaintzen diren babes ofizialeko 88 etxebizitzetarako izena emateko epea zabaldu da

Derioko Jardinetxe Plaza 4, 5, 6 eta 7 zenbakietan kokatutako, erosteko aukerarik gabeko alokairu eskuragarriko araubideko babes ofizialeko 88 etxebizitzen sustapenean izena emateko epea 2026ko ekainaren 1etik ekainaren 29ra bitartean egongo da zabalik, biak barne.

EB2-2004/22-LE-000 espediente-zenbakia duen sustapena Construcciones Sukia Eraikuntzak, S.L. enpresak garatu du, eta Q-Living Aldekone, S.L. enpresak kudeatuko du.

Sustapenaren ezaugarriak

Etxebizitzen behin betiko kalifikazioa lortzean egin daitezkeen egokitzapenen mende egonik, eskaintzen diren etxebizitzak honela banatzen dira:

Logela bateko etxebizitzak

24 etxebizitza
Azalera erabilgarria: 45 m² eta 49 m² artean

Bi logelako etxebizitzak

60 etxebizitza
Azalera erabilgarria: 65 m² eta 75 m² artean

Egokitutako bi logelako etxebizitzak

Egokitutako 4 etxebizitza
Azalera erabilgarria: 74,70 m² eta 93,38 m² artean

Etxebizitza guztiek aparkaleku-plaza bat eta trasteleku bat dituzte, etxebizitzari lotutako eranskin banaezin gisa.

Sarbide-baldintzak

Interesa duten pertsonek honako baldintza hauek bete beharko dituzte:

Erroldatzea

Eskaeraren titularretako batek gutxienez Euskal Autonomia Erkidegoan erroldatuta egon beharko du etenik gabe iragarki hau argitaratu aurreko hiru urteetan.

Etxebiden izena emanda egotea

Nahitaezkoa izango da iragarkia argitaratzen den egunean Etxebideko Etxebizitza Eskatzaileen Erregistroan alokairuko etxebizitzaren eskatzaile gisa alta emanda egotea, edo alta-eskaera iragarkia argitaratu baino gehienez hiru hilabete lehenago aurkeztua izatea.

Diru-sarrera haztatuak

Kontuan hartuko diren diru-sarrerak 2025eko zerga-ekitaldikoak izango dira, eta honako tarte hauetan kokatu beharko dira:

Tarte baxua: 21.000 € eta 35.740,98 € artean
Tarte altua: 35.740,99 € eta 46.463,29 € artean

Alokairuan sartzeko, bizikidetza-unitatea osatzen duten eta judizialki gaitasuna aldatuta ez duten adin nagusiko pertsona guztien diru-sarrerak hartuko dira kontuan.

Etxebizitzarik ez edukitzea

Bizikidetza-unitateko kide guztiek etxebizitza baten jabetzarik, azalera-eskubiderik edo usufruktu-eskubiderik ez izatea nahitaezkoa da sustapenaren behin-behineko kalifikazioaren datan (2023ko ekainaren 17an).

Bizikidetza-unitatea

Bizikidetza-unitatea gehienez lau kidek osatu ahal izango dute.

Esleipen-prozedura

Lurralde Ordezkaritzak bidalitako zerrendan jasotako pertsonen artean etxebizitzen esleipena zuzenean egingo du Q-Living Aldekone, S.L. enpresak. Horretarako, alokairu-kontratua formalizatu aurretik eskatzaileek baldintza guztiak benetan betetzen dituztela egiaztatuko du.

Lurralde Plangintza, Etxebizitza eta Garraioetako sailburuaren 2022ko urriaren 14ko Aginduak, alokairu eskuragarriaren modalitatea arautzen duenak, ez du eskatzen zozketarik egitea edo eskatzaileen artean puntuazio edo baremaziorik aplikatzea.

Era berean, ez da erreserba-kontraturik formalizatuko.

Izena emateko epea

Eskaerak aurkezteko epea 2026ko ekainaren 1etik 29ra bitartean egongo da zabalik, biak barne.

Izen-ematea ezarritako epearen barruan soilik egitea gomendatze da.

Sustapenari buruzko informazio guztia, baita esleipen-prozeduran izena emateko dauden bideei buruzkoa ere, Etxebideren webgunean dago eskuragarri:
www.etxebide.euskadi.eus